ಆದ್ಯೋತ್ ಸುದ್ದಿನಿಧಿ:
ಇಸ್ಲಾಮಿಕ್ ಸ್ಟೇಟ್-ಖೊರಾಸನ್ ಪ್ರಾಂತ್ಯದ (ಐಎಸ್‌ಕೆಪಿ) ಸಂಘಟನೆಯ ಪ್ರಮುಖ ಐಸಿಸ್ ಕಾರ್ಯಕರ್ತ ಉಫ್ರಿ ಜವಾಹರ್ ದಾಮುದಿ ಅಲಿಯಾಸ್ ಅಬು ಹಾಜಿರ್ ಅಲ್ ಬದರಿಯನ್ನು ಅವನ ಸಹಚರ ಅಮೀನ್ ಜುಹೈಬ್ ಸಹಿತ
ಶುಕ್ರವಾರ ಭಟ್ಕಳದಿಂದ ರಾಷ್ಟ್ರೀಯ ತನಿಖಾ ಸಂಸ್ಥೆ (ಎನ್‌ಐಎ) ಮತ್ತು ರಾಜ್ಯ ಪೊಲೀಸರ ನೇತೃತ್ವದ ಸಂಘಟಿತ ಭಯೋತ್ಪಾದನೆ ವಿರುದ್ಧದ ಕಾರ್ಯಾಚರಣೆಯಲ್ಲಿ ಬಂಧಿಸಲಾಗಿದೆ.
ಚುರುಕಿನ ಕಾರ್ಯಾಚರಣೆಯ ಮೂಲಕ ಭದ್ರತಾ ಸಂಸ್ಥೆಗಳು ಭಟ್ಕಳದಲ್ಲಿ ದಾಮೂದಿ (30) ಮತ್ತು ಆತನ ಸಹಚರರನ್ನು ಪತ್ತೆ ಹಚ್ಚುವಲ್ಲಿ ಯಶಸ್ವಿಯಾಗಿದ್ದಾರೆ. ಜುಫ್ರಿ ಜವಾಹರ್ ದಾಮುದಿಯು ಅದ್ನಾನ್ ಹಸನ್ ದಾಮುದಿಯ ಕಿರಿಯ ಸಹೋದರನೆಂದು ದೃಢಪಡಿಸಲಾಗಿದೆ. ಅದ್ನಾನ್ ಐಸಿಸ್ ಸಂಬಂಧಿತ ಪ್ರಕರಣಗಳಲ್ಲಿ 2017ರಲ್ಲಿ ಎನ್‌ಐಎ ಬಂಧಿಸಲ್ಪಟ್ಟಿದ್ದ.
ಜುಫ್ರಿ ಜವಾಹರ್ ದಾಮುದಿ ಅಫ್ಘಾನಿಸ್ತಾನ ಮತ್ತು ಪಾಕಿಸ್ತಾನ ಮೂಲದ ಐಎಸ್ ಕಾರ್ಯಕರ್ತರೊಂದಿಗಿನ ತನ್ನ ಒಡನಾಟ ಹಾಗೂ ಐಸಿಎಸ್ ಪ್ರಚಾರ ಪತ್ರಿಕೆಯ ಉತ್ಪಾದನೆ ಮತ್ತು ಪ್ರಸರಣದಲ್ಲಿ ತೊಡಗಿಸಿಕೊಂಡಿರುವುದಾಗಿ ಒಪ್ಪಿಕೊಂಡಿದ್ದಾನೆ. ಕೇಂದ್ರ ಭದ್ರತಾ ಸಂಸ್ಥೆಗಳು ನಡೆಸಿದ ಶೋಧದ ಸಮಯದಲ್ಲಿ ಡಿಜಿಟಲ್ ಮಾಧ್ಯಮ ಸಾಧನಗಳು ಮತ್ತು ದೋಷಪೂರಿತ ಜಿಹಾದಿ ಸಾಹಿತ್ಯಗಳನ್ನು ಜಪ್ತಿಪಡಿಸಿಕೊಳ್ಳಲಾಗಿದೆ.
ಕಳೆದ ಒಂದು ತಿಂಗಳಲ್ಲಿ ಕಾಶ್ಮೀರದ ಅನಂತನಾಗ್, ಶ್ರೀನಗರ, ಬಂಡಿಪೋರ್, ಬಾರಾಮುಲ್ಲಾ, ಕರ್ನಾಟಕದ ಮಂಗಳೂರು, ಬೆಂಗಳೂರು ಮತ್ತು ಭಟ್ಕಳದ 21 ಸ್ಥಳಗಳಲ್ಲಿ ದಾಳಿಗಳು ನಡೆದಿದ್ದು, ಭಾರತದಲ್ಲಿ ಐಸಿಸ್‌ನ ಮೂರು ಪ್ರತ್ಯೇಕ ಘಟಕಗಳಿಂದ 10 ಜನರನ್ನು ಬಂಧಿಸಲಾಗಿದೆ.
ಈಗ ಭಾರತಾದ್ಯಂತ ನಡೆದ ದಾಳಿಯು ಮತ್ತು ಇಬ್ಬರು ಪ್ರಮುಖ ಐಸಿಸ್ ಕಾರ್ಯಕರ್ತರಾದ ಕಾಸಿಮ್ ಖುರಸಾನಿ ಮತ್ತು ಅಬು ಹಾಜಿರ್ ಅಲ್ ಬದರಿ ಬಂಧನಗಳು ಐಸಿಸ್‌ಗೆ ದೊಡ್ಡ ಹೊಡೆತವಾಗಿದೆ. ಇದು ಭಾರತದಲ್ಲಿ ಐಸಿಸ್ ಜಾಲವನ್ನು ಗಣನೀಯವಾಗಿ ಕುಗ್ಗಿಸುವ ನಿರೀಕ್ಷೆಯಿದೆ ಎನ್ನಲಾಗಿದೆ.
ಐಸಿಸ್‌ನ ಹಿಂಸಾತ್ಮಕ ಸಿದ್ಧಾಂತವನ್ನು ಪ್ರಚಾರ ಮಾಡುವ ಗ್ರೂಪ್ ಗಳ ಭಯೋತ್ಪಾದಕ ಚಟುವಟಿಕೆಗಳಿಗೆ ಸಂಬಂಧಿಸಿದಂತೆ ಜಮ್ಮು ಮತ್ತು ಕಾಶ್ಮೀರ ಹಾಗೂ ಕರ್ನಾಟಕದಲ್ಲಿ ಏಕಕಾಲದಲ್ಲಿ ಶೋಧ ನಡೆಸಿದ್ದರಿಂದ ರಾಷ್ಟ್ರೀಯ ತನಿಖಾ ಸಂಸ್ಥೆಯು ಬುಧವಾರ ನಾಲ್ಕುವರನ್ನು ಬಂಧಿಸಿತ್ತು. ಇದನ್ನೇ ಗುರುವಾರ ಮಂಗಳೂರಿನಲ್ಲಿ, ಶುಕ್ರವಾರ ಭಟ್ಕಳದಲ್ಲಿ ಮುಂದುವರಿಸಿದೆ.
ಈ ಗ್ರೂಪ್ ಗಳು ಜಿಹಾದಿ ಸಿದ್ಧಾಂತವನ್ನು ಐಸಿಸ್ ಪ್ರಚಾರ ಮಾಸಿಕ ಆನ್‌ಲೈನ್ ನಿಯತಕಾಲಿಕೆ ‘ವಾಯ್ಸ್ ಆಫ್ ಹಿಂದ್’ನ ಉತ್ಪಾದನೆ ಮತ್ತು ಪ್ರಸರಣದಲ್ಲಿ ಸಕ್ರಿಯ ಪಾತ್ರದಿಂದಾಗಿ ಏಪ್ರಿಲ್ 2020ರಿಂದ ಬದರಿ ಮೇಲೆ ಕೇಂದ್ರ ತನಿಖಾ ಸಂಸ್ಥೆಗಳು ನಿಗಾ ಇರಿಸಿದ್ದವು. ಐಸಿಸ್ ಪ್ರಚಾರ ಮತ್ತು ಮಾಧ್ಯಮ ಚಟುವಟಿಕೆಗಳ ಹೊರತಾಗಿ, ಶಸ್ತ್ರಾಸ್ತ್ರ ಮತ್ತು ಸ್ಫೋಟಕಗಳ ಖರೀದಿ, ಮುಜಾಹಿದ್ದೀನ್‌ಗಳಿಗೆ ನಿಧಿಸಂಸ್ಥೆ ಮತ್ತು ನೇಮಕಾತಿ ಸೇರಿದಂತೆ ಲಾಜಿಸ್ಟಿಕಲ್ ಬೆಂಬಲವನ್ನು ಇವರು ನೋಡಿಕೊಂಡಿದ್ದರು.ಇವರು ಖೋರಾಸನ್ (ಅಫ್ಘಾನಿಸ್ತಾನ) ಮತ್ತು ಸಿರಿಯಾದ ಇಸ್ಲಾಮಿಕ್ ಸ್ಟೇಟ್ ನಾಯಕರೊಂದಿಗೆ ನೇರ ಸಂಪರ್ಕದಲ್ಲಿದ್ದರು. ತಮ್ಮ ಸೈಬರ್ ಸಂಪರ್ಕಗಳ ಮೂಲಕ ಪೊಲೀಸ್ ಸಿಬ್ಬಂದಿ, ಪತ್ರಕರ್ತರನ್ನು ಕೊಲ್ಲಲು ಮತ್ತು ದೇವಸ್ಥಾನಗಳು ಮತ್ತು ಸರ್ಕಾರಿ ಆಸ್ತಿಗಳಿಗೆ ಹಾನಿಯನ್ನುಂಟು ಮಾಡಲು ಪ್ರೇರೇಪಿಸುತ್ತಿದ್ದರು ಎಂದು ಹೇಳಲಾಗಿದೆ.
ಜುಫ್ರಿ ಜವಾಹರ್ ದಾಮುದಿ ಅಫ್ಘಾನಿಸ್ತಾನ ಮತ್ತು ಪಾಕಿಸ್ತಾನ ಮೂಲದ ಐಎಸ್ ಕಾರ್ಯಕರ್ತರೊಂದಿಗಿನ ತನ್ನ ಒಡನಾಟ ಹಾಗೂ ಐಸಿಎಸ್ ಪ್ರಚಾರ ಪತ್ರಿಕೆಯ ಉತ್ಪಾದನೆ ಮತ್ತು ಪ್ರಸರಣದಲ್ಲಿ ತೊಡಗಿಸಿಕೊಂಡಿರುವುದಾಗಿ ಒಪ್ಪಿಕೊಂಡಿದ್ದಾನೆ. ಕೇಂದ್ರ ಭದ್ರತಾ ಸಂಸ್ಥೆಗಳು ನಡೆಸಿದ ಶೋಧದ ಸಮಯದಲ್ಲಿ ಡಿಜಿಟಲ್ ಮಾಧ್ಯಮ ಸಾಧನಗಳು ಮತ್ತು ದೋಷಪೂರಿತ ಜಿಹಾದಿ ಸಾಹಿತ್ಯಗಳನ್ನು ಜಪ್ತಿಪಡಿಸಿಕೊಳ್ಳಲಾಗಿದೆ.
ಉಗ್ರರಚಟುವಟಿಕೆಯನ್ನು ಹತ್ತಿಕ್ಕುವಲ್ಲಿ NIA ಯಶಸ್ಸು ಸಾಧಿಸುತ್ತಿರುವುದು ದೇಶದ ಜನತೆ ನೆಮ್ಮದಿಯ ನಿಟ್ಟುಸಿರು ಬಿಡುವಂತಾಗಿದೆ.
