ಸಿದ್ದಾಪುರ ಹಂದ್ಯಾನೆಮನೆಯಲ್ಲಿ ಒಂದೇ ಕುಟುಂಬದ ಐದುಜನರ ಮೇಲೆ ನಿಗೂಢ ಹಲ್ಲೆ

ಆದ್ಯೋತ್ ಸುದ್ದಿನಿಧಿ:
ಉತ್ತರಕನ್ನಡ ಜಿಲ್ಲೆ ಸಿದ್ದಾಪುರದ ತಂಡಾಗುಂಡಿ ಗ್ರಾಪಂ ವ್ಯಾಪ್ತಿಯ ಹಂದ್ಯಾನೆಮನೆಯ ಒಂದೇ ಮನೆಯ ಐದು ಜನರ
ಮೇಲೆ ಮಂಗಳವಾರ ತಡ ರಾತ್ರಿ ನಿಗೂಢರೀತಿಯಲ್ಲಿ
ಹಲ್ಲೆ ನಡೆದಿದ್ದು ಐವರಿಗೆ ತೀವ್ರಗಾಯವಾಗಿದೆ.
ಭಾಗೀರಥಿ ಭಟ್ಟ(83) ಗಣಪತಿ ನಾರಾಯಣ ಭಟ್ಟ(64)ಮಹಾಬಲೇಶ್ವರ ನಾರಾಯಣ ಭಟ್ಟ(5೮),ಮಂಜುನಾಥ ನಾರಾಯಣ ಭಟ್ಟ(57)ದೇವರು ನಾರಾಯಣ ಭಟ್ಟ(61) ಗಾಯಗೊಂಡವರಾಗಿದ್ದಾರೆ
ಮನೆಯಲ್ಲಿ ಒಟ್ಟೂ ಆರು ಜನರು ವಾಸಮಾಡುತ್ತಿದ್ದು ಗಾಯಗೊಂಡ ಐವರು ಒಂದೇ ಕಡೆ ಮಲಗುತ್ತಿದ್ದು ಮನೆಯ ಸೊಸೆ ಮಾತ್ರ ಒಳಗಡೆ ರೂಮಿನಲ್ಲಿ ಮಲಗುತ್ತಿದ್ದರು. ಹೀಗಾಗಿ ಇವರ ಮೇಲೆ ಯಾವುದೇ ಹಲ್ಲೆಯಾಗಿಲ್ಲ.
ಮನೆಯ ಬಾಗಿಲು ಹಾಕಿರುವುದು ಹಾಗೇ ಇದ್ದು ಯಾವುದೇ ವಸ್ತು ಕಳ್ಳತನ ಆಗಿರುವುದಿಲ್ಲ ಐವರ ಮೇಲೆ ಏಕಕಾಲದಲ್ಲಿ ಹಲ್ಲೆಯಾಗಿದೆ.ಪ್ರತಿಯೊಬ್ಬರ ಎಡಭಾಗದಲ್ಲೆ ಗಾಯವಾಗಿದ್ದು ಕಣ್ಣಿನ ಭಾಗಕ್ಕೆ ಪೆಟ್ಟು ಬಿದ್ದಿದೆ.
ಇದೆಲ್ಲವು ಕನಸಿನಲ್ಲಿ ನಡೆದಿರುವಂತೆ ಆಗುತ್ತಿದ್ದು ಯಾವುದೋ ದೇವರ ಚೇಷ್ಟೆ ಆಗಿರಬೇಕೆಂದು ಕುಟುಂಬದವರು ಹೇಳುತ್ತಿದ್ದಾರೆ.
ಪೊಲೀಸ್ ರು ಪ್ರಜರಣ ದಾಖಲಿಸಿಕೊಂಡಿದ್ದು ತನಿಖೆ ನಡೆಸುತ್ತಿದ್ದಾರೆ.