ಸಿದ್ದಾಪುರ : ಕರ್ನಾಟಕ ನಾಟಕ ಅಕಾಡೆಮಿ ಬೆಂಗಳೂರು ಪ್ರಸ್ತುತಿಯಲ್ಲಿ ನಡೆಯುವ ರಾಜ್ಯ ಮಟ್ಟದ ಹವ್ಯಾಸಿ ನಾಟಕೋತ್ಸವ ಇಂದಿನಿಂದ ನಾಲ್ಕು ದಿನಗಳ ಕಾಲ ಸಿದ್ದಾಪುರದ ಶೃಂಗೇರಿ ಶಂಕರಮಠದಲ್ಲಿ ನಡೆಯಲಿದೆ.
ಸಿದ್ದಾಪುರದ ಸಂಸ್ಕೃತಿ ಸಂಪದ, ರಂಗಸೌಗಂಧ, ಒಡ್ಡೋಲಗ ಹಿತ್ತಲಕೈ ಹಾಗೂ ಮಹಾಗಣಪತಿ ನಾಟ್ಯ ಸಂಘ ಮಗೇಗಾರ ಇವರುಗಳ ಸ್ಥಾನಿಕ ಸಹಕಾರದೊಂದಿಗೆ ಈ ವರ್ಷದ ಹವ್ಯಾಸಿ ನಾಟಕೋತ್ಸವ ನಡೆಯಲಿದ್ದು, ವಿಧಾನಸಭಾಧ್ಯಕ್ಷ ವಿಶ್ವೇಶ್ವರ ಹೆಗಡೆ ಕಾಗೇರಿ ಉದ್ಘಾಟಿಸಲಿದ್ದಾರೆ. ನಾಟಕೋತ್ಸವದ ಮೊದಲ ದಿನವಾದ ಜನವರಿ 25 ರಂದು 6.30ಕ್ಕೆ ಸುಗ್ಗಿ ಮತ್ತು ಕೋಮಲ ಗಾಂಧಾರ, ಜನವರಿ 26 ರಂದು 6.30ಕ್ಕೆ ಅಂಧಯುಗ, ಜನವರಿ 27 ರಂದು 6.30ಕ್ಕೆ ನೃತ್ಯನಾಟಕ ಚೈತ್ರಾ ಹಾಗೂ ಕೊನೆಯ ದಿನ ಜನವರಿ 28 ರಂದು ದೇವದಾಸಿ ನಾಟಕಗಳು ಪ್ರದರ್ಶನಗೊಳ್ಳಲಿವೆ.
