ಶಿರಸಿ : ಕಾಂಗ್ರೆಸ್ ಅಧ್ಯಕ್ಷರ ಘೋಷಣೆ ಆದ ಕೂಡಲೇ ಸಿದ್ದರಾಮಯ್ಯ ಅನ್ನೋ ಬಾಂಬ್ ಸ್ಪೋಟದಿಂದ ಕಾಂಗ್ರೆಸ್ ಒಡೆದು ಹೋಳಾಗಲಿದೆ ಎಂದು ಗ್ರಾಮೀಣಾಭಿವೃದ್ಧಿ ಸಚಿವ ಕೆ.ಎಸ್ ಈಶ್ವರಪ್ಪ ಹೇಳಿದರು.
ಶಿರಸಿಯ ಸೋಂದಾದ ಗ್ರಾಮ ಪಂಚಾಯತದ ನೂತನ ಕಟ್ಟಡವನ್ನ ಉದ್ಘಾಟಿಸಿ ಮಾಧ್ಯಮದವರೊಂದಿಗೆ ಮಾತನಾಡಿದ ಈಶ್ವರಪ್ಪ, ಸಿದ್ಧರಾಮಯ್ಯ ಕಾಂಗ್ರೆಸ್ ನಲ್ಲಿ ಆದ ಸ್ಫೋಟದಿಂದಲೇ ಮುಖ್ಯಮಂತ್ರಿ ಸ್ಥಾನವನ್ನು ಕಳೆದುಕೊಂಡಿದ್ದರು. ಕಾಂಗ್ರೆಸ್ ಅಧ್ಯಕ್ಷ ಸ್ಥಾನಕ್ಕೆ ಈಗಾಗಲೇ ಪೈಪೋಟಿ ನಡೀತಾ ಇದೆ. ಒಂದೊಮ್ಮೆ ಕಾಂಗ್ರೆಸ್ ಅಧ್ಯಕ್ಷರ ಘೋಷಣೆ ಆದ್ರೆ, ಸಿದ್ದರಾಮಯ್ಯ ಹಾಕೋ ಬಾಂಬ್ ಕಾಂಗ್ರೆಸ್ ಹೋಳಾಗೋ ಹಾಗೆ ಮಾಡುತ್ತೆ ಅಂದರು. ಬಿಜೆಪಿಯಲ್ಲಿ ಎಲ್ಲರೂ ಒಗ್ಗಟ್ಟಾಗಿದ್ದು ಬಾಂಬ್ ಸ್ಫೋಟದ ಪ್ರಶ್ನೆಯೇ ಇಲ್ಲ ಅಂತ ಸಿದ್ಧರಾಮಯ್ಯ ಗೆ ತಿರುಗೇಟು ನೀಡಿದರು.
ಹಿಂದಿನ ಸರ್ಕಾರ ಹಿಂದೂ ಸಂಘಟನೆಗಳ ಮೇಲೆ ಅನವಶ್ಯಕವಾಗಿ ತಪ್ಪು ಹೊರೆಸಿ ಕೇಸ್ ಗಳನ್ನ ಹಾಕಿದ್ದಲ್ಲಿ ಅದರ ಮಾಹಿತಿಗಳನ್ನ ಪಡೆದುಕೊಂಡು ಕೇಸ್ ಗಳನ್ನ ವಾಪಸ್ ಪಡೆಯಲಾಗುವುದು. ಅದರ ಬಗ್ಗೆ ಮಾಹಿತಿ ಇದ್ದವರೂ ಕೂಡ ಹಂಚಿಕೊಂಡಲ್ಲಿ ಇಲಾಖೆಯಿಂದ ಮಾಹಿತಿ ತರಿಸಿ ಪರಿಶೀಲಿಸುತ್ತೇವೆ ಅಂದರು.
